site
stats
عالمی خبریں

پاکستان ممبئی حملوں کےملزمان کیخلاف کارروائی کرے، امریکا اور بھارت کا مطالبہ

بھارت اور امریکا نے پاکستان سے ممبئی حملوں میں ملوث ملزمان کو انصاف کے کٹہرے میں لانے کا مطالبہ کردیا ہے جبکہ لشکر طیبہ اور القائدہ نیٹ ورک کو ختم کرنے کیلئے بھی کردار ادا کرنے پر زور دیا ہے۔

اعلامیے میں پاکستان سے لشکر طیبہ اور القاعدہ نیٹ ورک کے محفوظ ٹھکانوں کو ختم کرنے کا بھی مطالبہ کیا گیا، اعلامیے میں غزہ کی صورتحال پر افسوس کا اظہار کرتے ہوئے فوری طور پر جنگ بندی کا مطالبہ بھی کیا گیا ہے۔

بھارتی وزیر خارجہ سشما سوراج کے مطابق انہیں غزہ کی صورتحال پر دکھ ہے، تاہم اسرائیل سے تعلقات خراب نہیں کئے جاسکتے، اعلامیے میں رواں سال ستمبر میں اوباما اور مودی کی ملاقات کو دونوں ملکوں کے مستقبل کیلئے اہم قرار دیا گیا۔ مذاکرات میں فیصلہ کیا گیا کہ امریکی سیکریٹری دفاع ہیگل اگست میں بھارت کا دورہ کریں گے جہاں وہ بھارت کے ساتھ آئندہ ہونے والی فوجی مشقوں پر تفصیلی بات چیت کریں گے۔

مشترکہ اعلامیے میں کہا گیا کہ امریکہ بھارت کو اقوام متحدہ کی سیکورٹی کونسل کا مستقل رکن دیکھنا چاہتا ہے اور اس سلسلے میں وہ سیکورٹی کونسل میں اصلاحات کا منتظر ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top