site
stats
پاکستان

پاکستان میں نشے کا بڑھتا ہوا رجحان اور ماہرین کی آراء

کوئٹہ: انٹرو پاکستان میں خاص طور پر نوجوانوں کا منشیات کی جانب رجحان بڑھتا جارہا ہے، اقوام متحدہ کی گزشتہ سال کی سروے رپورٹ میں بشمول خواتین 6.7ملین افراد کو ہیروئن سمیت دیگر خطرناک نشہ کرنے کا عادی بتایا گیا ہے، نشہ کرنے کی بنیادی وجوہات کیا ہیں۔

ہیروئن کے نشے کا عادی25 سالہ عصمت اللہ کوئٹہ میں ایک فلاحی ادارے کے ری ہیبلیٹشن سینٹر میں اپنے جیسے 40دیگر نوجوانوں کے ساتھ زیرِ علاج ہے ، بے بسی کی تصویر بنے ان نوجوانوں کے مطابق کسی کو والدین کی سختی، کسی کو بے جالاڈ پیار تو کسی کو گھریلو جھگڑوں نے گھروں سے باہر وقت گزارنے پر مجبور کیا۔

جہاں بگڑے سماج نے انہیں خطرناک نشوں میں مبتلا کردیا، اب تک نشے کے عادی پانچ ہزار افراد کا علاج کرنے والے معروف ادارے کے منتظم کے مطابق منشیات کی جانب نوجوانوں کا رحجان زیادہ ہے، جس کی بڑی وجہ والدین یا سرپرستوں کی لاپرواہی ہے۔

بولان میڈیکل کمپلیکس کے شعبہ نفسیات کے سربراہ کا کہنا ہے کہ انسان کی جسمانی اور نفسیاتی ساخت میں بعض اوقات خامیوں کے باعث بچے بڑھتی عمر کے ساتھ نشہ جیسی دیگر برائیوں کی جانب راغب ہوجاتے ہیں۔

ماہرین نفسیات کے مطابق والدین اپنے بچوں کی نفسیات کو سمجھتے ہوئے ان کے ساتھ دوستانہ تعلق بنائیں ، تمام برائیوں سے بچاؤ کیلئے کھل کر ان کی رہنمائی کریں تو وہ انہیں معاشرتی برائیوں سے بچا سکتے ہیں۔

پی ٹی سی نشہ انسانی وقار کو خاک میں ملا دیتا ہے، یہی وجہ ہے کہ یہ نشئی افراد معاشرے سے کٹ کر گندگی کو اپنا مسکن بنالیتے ہیں اگروالدین اپنی اولاد کو یہاں غرقاب ہوتا نہیں دیکھنا چاہتے تو پھر ضروری ہے کہ وہ اپنی ذمہ داریوں میں کوتاہی نہ برتیں

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top