پاکستان میں پہلی بار دہشت گردوں کی تصویری البم تیار -
The news is by your side.

Advertisement

پاکستان میں پہلی بار دہشت گردوں کی تصویری البم تیار

 خیبر پختونخوا :انتہائی مطلوب دہشتگردوں کی تصاویر پر مشتمل البم تیار کرلیا گیا ہے، دہشتگردوں کی تصاویر اے آر وائی نیوز نے حاصل کرلی ہے۔

دہشتگردی کا خاتمہ کیسے ممکن ہوگا ور مطلوب دہشتگردوں کو شکنجے میں کیسے پھانسا جائے گا، جہاں دہشتگردی کے خاتمے کیلئے مختلف اقدامات کئے جارہے ہیں، وہیں پہلی بار ملک میں چھ سو پندرہ دہشتگردوں کی تصاویر پر مشتمل البمس مرتب کر لئے گئے ہیں۔

ایک سو ایک تصاویر پر مبنی پہلا فوٹو البم جاری کردیا گیا ہے، انوکھے فوٹو البم میں سب سے پہلی تصویر کالعدم تحریک طالبان کے سربراہ ملا فضل اللہ کی ہے جبکہ دوسری کالعدم لشکر اسلام کے منگل باغ کی لگائی گئی ہے۔

کالعدم تنظیموں کے انتہائی مطلوب دہشتگردوں کا تعلق خیبر پختونخوا کے مختلف اضلاع سے ہے، جن کے سروں کی قیمت ایک کروڑ سے لیکر دس لاکھ روپے تک مقرر ہے ۔

دہشتگردوں کی تصاویر نادرا سمیت دیگر تحقیقاتی اداروں سے اکٹھی کی گئیں ہیں، دہشتگردوں کے فوٹو البمز صوبے بھر کے ڈی پی اوز اور پولیٹیکل انتظامیہ کو ارسال کئے جائیں گے ۔

سرکاری ذرائع کے مطابق دہشت گردوں کی گرفتاری پر اطلاع دینے والے کا نام صیغہ راز میں رکھا جائے گا۔

Comments

comments

یہ بھی پڑھیں