The news is by your side.

Advertisement

پاکستان میں پہلی سکھ لڑکی نے میٹرک کے امتحان میں ٹاپ کرلیا

ننکانہ صاحب: پاکستان میں منبیر کور نامی ایک سکھ طالبہ نے تاریخ رقم کرتے ہوئے میٹرک کے امتحان میں ٹاپ کرلیا۔

تفصیلات کے مطابق ننکانہ صاحب کے شری گرو نانک دیو جی ہائی اسکول کی 15 سالہ طالبہ منبیر کور نے میٹرک کے امتحان میں 1100 میں سے 1035 نمبر حاصل کرکے ٹاپ کرلیا۔

منبیرکور کو پاکستان میں بسنے والی تمام کمیونٹیز کی جانب سے مبارک باد کے پیغامات موصول ہورہے ہیں۔

ان کے والد کا اس موقع پر کہنا تھا کہ ان کی بیٹی نے ایسا کارنامہ انجام دیا ہے جو کہ ان کی برادری کے لڑکے بھی نہیں کرپائے اور اس کے لئے یقیناً اس نے بے پناہ محنت کی ہے۔

منبیر کور کی کامیابی ان کی برادری کی ان لڑکیوں کے لئے آسانی پیدا کرے گی جو کہ تعلیم حاصل کرنے اور معاشی آزادی حاصل کرنے میں معاشرے کے نا ہموار رویوں کا شکار ہیں۔

Comments

comments

یہ بھی پڑھیں