The news is by your side.

Advertisement

پاکستان میں 403 بھارتی اوربھارت میں 278 پاکستانی قید ہیں: اعلامیہ

اسلام آباد: دفترِخارجہ سے جاری کردہ اعلامیے کے مطابق 278 پاکستانی اس وقت بھارتی جیلوں میں موجود ہیں جبکہ پاکستانی جیلوں میں موجود بھارتیوں کی تعداد 403 ہے۔

اعلامیے کے مطابق پاکستان اور بھارت کے درمیان 21 مئی 2008 کو ایک معاہدہ طے پایا تھا جس کے تحت دونوں ممالک سال میں دو مرتبہ یکم جنوری اور یکم جولائی کو قیدیوں کی فہرست کا تبادلہ کرتے ہیں۔

آج یکم جولائی 2015 کو بھی دونوں ممالک کے دفاترِ خارجہ کی جانب سے فہرست کی تبادلہ کیا گیا جس میں بھارت سے پاکستان کو فراہم کی جانے والی فہرست کے مطابق کل 278 پاکستانی قیدی بھارت کی تحویل میں ہیں جن میں 251عام شہری ہیں جبکہ 27 مچھیرے ہیں۔

پاکستان کی جانب ست جو فہرست بھارت کو فراہم کی گئی اس کے مطابق اس وقت کل 403 بھارتی قیدی پاکستانی جیلوں میں موجود ہیں جن میں سے 48 عام شہری ہیں جبکہ 355 مچھیرے شامل ہیں۔

واضح رہے کہ دونوں ممالک کی جانب سے قومی اور مذہبی تہواروں پرجذبہ خیر سگالی اور اعتماد سازی کے تحت قیدی رہا کئے جاتے ہیں۔

Print Friendly, PDF & Email

Comments

comments

یہ بھی پڑھیں