پاکستان نے سری لنکا کو پہلے ون ڈے میں شکست دے دی -
The news is by your side.

Advertisement

پاکستان نے سری لنکا کو پہلے ون ڈے میں شکست دے دی

ہمبنٹوٹا: پاکستان نے پہلے ون ڈے میں صہیب مقصود اور فواد عالم کی شاندار بیٹنگ کی بدولت سری لنکا کو سنسنی خیز مقابلے کے بعد چار وکٹوں سے شکست دے کر تین میچز کی سیریز میں ایک صفر کی برتری حاصل کرلی۔

ہمبنٹوٹا میں خراب موسم کے سبب تاخیر سے شروع ہونے والے میچ کا ٹاس پاکستان نے جیت کر پہلے فیلڈنگ کا فیصلہ کیا، سری لنکا نے اننگز کا آغاز کیا تو پانچویں اوور میں محمد عرفان نے اوپنر تلکرتنے دلشان کی اہم وکٹ حاصل کرلی۔ سری لنکا نے چھ اوورز میں سترہ رنزبنائے تھے کہ میچ بارش کے سبب روک دیا گیا۔

کھیل دوبارہ شروع ہوا تو میچ پینتالیس اوورز تک محدود کردیا گیا، چار وکٹیں گرنے کے بعد جے وردھنے اور میتھیوز نے تیزی سے اسکور میں اضافہ کیا، دونوں بیٹسمینوں نے نصف سینچریاں اسکور کیں، سری لنکا نے مقررہ پینتالیس اوورز میں سات وکٹوں پر دو سو چھہتر رنزبنائے، اینجلو میتھیوز نے نواسی اور جے وردھنے نے تریسٹھ رنز کی اننگز کھیلی رنز کی اننگز کھیلی۔

جواب میں پاکستان کا آغاز مایوس کن رہا، ایک سو چھ رنز پر پاکستان کی آدھی ٹیم پویلین لوٹ گئی، مصباح الحق، محمد حفیظ، یونس خان اور عمراکمل ناکام ہوگئے، ایسے میں فواد عالم اور صہیب مقصود کی شراکت پاکستان کو میچ میں واپس لے آئی، دونوں بیٹسمینوں نے چھٹی وکٹ کے لئے ایک سو سینتالیس رنز کی بہترین پارٹنر شپ قائم کی، فواد عالم باسٹھ رنز بناکر آؤٹ ہوئے، صہیب مقصود نے ناٹ آؤٹ نواسی رنز کی اننگز کھیلی، پاکستان نے مطلوبہ ہدف ایک گیند قبل چھ وکٹوں کے نقصان پر حاصل کرلیا۔

Comments

comments

یہ بھی پڑھیں