site
stats
کھیل

پاکستان نے سری لنکا کے خلاف پالی کیلے ٹیسٹ میں تاریخی فتح حاصل کرلی

پالی کیلے : پاکستان نے سری لنکا کو تیسرے ٹیسٹ میچ میں سات وکٹوں سے شکست دے کر تاریخی فتح حاصل کرلی ،تین میچوں کی سیریز دو ایک سے جیت لی ہے۔

پالی کیلے ٹیسٹ میں سری لنکا نے پاکستانی ٹیم کو جیت کے لیے 377 رنز کا بڑا ہدف دیا جو پاکستان نے یونس خان کی شاندار بلے بازی کی بدولت آخری دن دوسرے سیشن میں حاصل کر لیا، یونس خان نے اپنے ٹیسٹ کریئر کی 30ویں سنچری بنائی اور 171 رنز بنا کر ناٹ آؤٹ رہے۔

یونس خان  اور شان مسعود کی سنچریوں کی بدولت پاکستان تیسرا ٹیسٹ اور سیریز جیتنے کی پوزیشن میں آ گیا ہے، یونس خان نے اپنے ٹیسٹ کریئر کی 30ویں سنچری بنائی اور 171 رنز بنا کر ناٹ آؤٹ رہے، یونس خان نے شان مسعود کے ساتھ مل کر 242 رنز کی شراکت قائم کی، جو پاکستان کی جانب سے ٹیسٹ میچ کی چوتھی اننگز میں کسی بھی وکٹ کے لیے سب سے بڑی شراکت ہے۔

شان کے آؤٹ ہونے کے بعد یونس خان اور مصباح الحق کی تجربہ کار جوڑی نے مزید کسی نقصان کے بغیر ٹیم کو فتح یاب کروا دیا، کھیل کے آخری روز یونس خان اور مصباح الحق سری لنکن بولرز کا ڈٹ کر مقابلہ کیا ، سری لنکن بولرز آخری دن صرف ایک پاکستانی وکٹ لے سکے۔

قومی ٹیم نے سری لنکا سے نو سال بعد سیریز میں فتح حاصل کی ہے، ٹیسٹ کرکٹ میں تین سو ستتر رنز کا ہدف حاصل کرکے پاکستان نے نئی تاریخ رقم کردی، مصباح الحق کی بطور کپتان سری لنکا میں یہ پہلی ٹیسٹ سیریز میں فتح ہے۔

سری لنکا کے خلاف ٹیسٹ میچ میں فتح کی بدولت پاکستانی کرکٹ ٹیم ٹیسٹ کرکٹ کی عالمی درجہ بندی میں تیسرے نمبر پر پہنچ گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top