site
stats
پاکستان

پاکستان پرجنگ بندی کی خلاف ورزی کا الزام غلط ہے، تسنیم اسلم

اسلام آباد: دفترخارجہ نے کہا ہے کہ پاکستان پر جنگ بندی کی خلاف وزری کا الزام غلط ہے جبکہ دفاعی کارروائی میں بھی ذمہ داری کا مظاہرہ کر رہا ہے۔

دفترخارجہ کی ترجمان تسنیم اسلم نے میڈیا بریفنگ میں کہا کہ بھارت جنگ بندی کے معاہدے کی مسلسل خلاف ورزی کررہا ہے، پاکستان پرجنگ بندی کی خلاف وزری کا الزام غلط ہے، پاکستان نے ایل اوسی پر فائرنگ شروع نہیں کی۔ بھارت کی جانب سے ہونے والی فائرنگ کا جواب دیا جاتا ہے۔

انہوں کہا کہ دفاعی کارروائی میں بھی ذمہ داری کا مظاہرہ کیا جا رہا ہے، ورکنگ باؤنڈری اورلائن آف کنٹرول پر صورتحال کا جائزہ لیا جارہا ہے۔ سفارتی ذرائع سے پوری دنیا کے سامنے پاکستان کا مؤقف پیش کیا جا رہا ہے۔

تسنیم اسلم نے کہا ہے کہ بھارتی سفیر کو طلب کرکےاحتجاج بھی کیا ہے۔ بھارت اقوام متحدہ کے مبصرین کو تحقیقات کا موقع دے۔

ترجمان کا کہنا تھا کہ پاکستان بھارت سے مسائل مذاکرات کے ذریعے حل کرنا چاہتا ہے اور دوطرفہ مذاکرات سے کبھی پیچھے نہیں ہٹا۔ پاکستان اور ایران کو سرحدوں پر مل کرکام کرنے کی ضرورت ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top