اسلام آباد: عالمی ادارہ صحت نے پولیو وائرس کےعالمی پھیلاؤ کو روکنےمیں ناکامی کے بعد پاکستان پر عالمی سفری پابندیوں میں مزید تین ماہ کی توسیع کر دی۔
بین الاقوامی کمیٹی برائے سفری پابندیوں کے چوتھے اجلاس میں پاکستان سے کہا گیا ہے کہ وہ افغانستان جانے اور آنے والے تمام افراد کی پولیو ویکسی نیشن مزید بہتر بنائے ۔
پاکستان پر واضح کیا گیا ہے کہ وہ ہر ماہ انسدادِ پولیو کے حوالے سے اپنی کارکردگی کی ماہانہ رپورٹ عالمی ادارہ صحت کو فراہم کرے۔
- Advertisement -
عالمی ادارہ صحت نے پاکستان پر پہلی بار عالمی سفری پابندیاں گذشتہ سال پانچ مئی کو عائد کی تھیں، جس کے بعد پاکستان سے بیرون ملک جانے والے تمام افراد کی پولیو ویکسی نیشن کو لازمی قرار دیا گیا تھا۔
