پیپلز پارٹی کے جلسے کی تیاریاں مکمل، شہر بھر میں سیکورٹی ہائی الرٹ -
The news is by your side.

Advertisement

پیپلز پارٹی کے جلسے کی تیاریاں مکمل، شہر بھر میں سیکورٹی ہائی الرٹ

کراچی: مزار قائد سے منسلک باغ جناح میں پیپلز پارٹی کے آج ہو نے والے جلسے کی تیاریاں مکمل کر لی گئیں، شہر میں ہائی الرٹ اور مزار قائد کو جانے والے تمام راستے بند کردئیے گئے ہے ۔

نمائندہ اے آر وائی نیوز کے مطابق باغ جناح میں جلسےپر شہر کی سیکیورٹی ہائی الرٹ کردی گئی ہے، جگہ جگہ پولیس اور رینجزرز کی بھاری نفری تعینات کردی گئی یے، مزارقائدکےراستےسیل کردیئے گئے ہےجبکہ جلسہ گاہ کے اطراف اور شارع فیصل پر موجود پیٹرول پمپس کو بند کروا دیا گیا ہے۔

ایم اے جناح روڈ گرومندر سے سی بریز پلازہ تک کنٹینر لگا کر بند کی گئی ہے،اطراف میں بلندعمارتوں پر پولیس اہلکار تعینات کردئیے گئے ہیں۔ جلسے کی سیکیو رٹی کیلئے مجموعی طور پر ساڑھے بائیس ہزارپولیس اہلکار تعینات کئے جائے نگے ہیں۔

رہنماؤں کے لئے چودہ فٹ اونچا اور ایک سو ساٹھ فٹ لمبا سٹیج تیار کیا گیا ہے۔ کنٹینر کی چھت پر بلٹ پروف شیشہ بھی لگا ہے۔

صبح سویرے بم ڈسپوزل اسکواڈ اورسراغ رساں کتوں کے ذریعے جلسہ گاہ اور ملحق علاقے کی سرچنگ کی گئی۔ جلسہ گاہ کو پیپلز پارٹی کے کارکنان اورمیڈیاسےخالی کرالیاگیاتھاتاکہ بم ڈسپوزل اسکواڈ جلسہ گاہ
کی تلاشی لے سکے۔ میڈیا کو سیکیورٹی کلیئرنس کےبعد پنڈال میں جانےکی اجازت دی جائے گی۔

دوسری جانب باغ جناح اور اس کے اطراف میں بم ڈسپوزل اسکواڈ اور سراغ رساں کتوں کے ذریعے سرچنگ کا کام مکمل کیا گیا جبکہ بعد ازاں وزیراعلی سندھ نے جلسے کےانتظامات کاجائزہ بھی لیا اور انتظامات پراطمینان کا اظہار کیا۔

انتظامیہ کے مطابق جلسہ کو سیکیورٹی کو مزید فول پروف بنانے کے لے موبائل جیمرز بھی لگائے جائے گئے۔

Comments

comments

یہ بھی پڑھیں