site
stats
پاکستان

پاکستان کا فضائی حدود کی خلاف ورزی پر بھارت سے شدید احتجاج

اسلام آباد: پاکستان نےڈرون طیارے سے جاسوسی کرنے پر بھارتی ہائی کمشنر کو دفتر خارجہ طلب کرکے شدید احتجاج کیا۔

زمین ہو یا فضا بھارت پاکستان کی سرحدی حدود خلاف ورزی سے کبھی باز نہیں آتا، پاک فوج نے گزشتہ روز آزاد کمشیر کے علاقے بھِمبَر میں جاسوسی کرنےو الے بھارتی ڈرون طیارے کو مار گرایا تھا۔ جس کے بعد پاکستان نے بھارتی ہائی کمشنر کو دفتر خارجہ طلب کیا گیا۔

بھارتی ہائی کمشنر کی دفتر خارجہ آمد کے دوران پاکستان کی جانب سے سخت الفاظ میں احتجاج ریکارڈ کرایا گیا، دفتر خارجہ کا کہنا تھا کہ بھارت انیس سو اکیانوے کی فضائی حدود کے معاہدے کی پاسداری کرے۔

ہائی کمشنر پر واضح کیا گیا کہ حالیہ بھارتی سرگرمیاں دوہزار تین کے سیز فائر کے معاہدے کے بھی خلاف ہیں، دفترخارجہ کا کہنا تھا کہ پاکستان بھارت سمیت خطے میں امن کا خواہاں ہے، بھارتی کارروائیاں اوفا میں دونوں وزرائے اعظم کی جانب سے مشترکہ اعلامیہ کی روح کے منافی ہیں۔

ترجمان پاک فوج کے مطابق بھارتی جاسوس طیارہ آزاد کمشیر کے علاقے بھِمبَر کی تصاویر لےرہا تھا کہ پاک فوج کی توپوں نے اسے مار گرایا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top