The news is by your side.

Advertisement

پاکستان کسان اتحاد نے کل ملک گیرہڑتال کا اعلان کردیا

ساہیوال: پاکستان کے کسانوں کی نمائندہ تنظیم پاکستان کسان اتحاد نےکل ملک بھر میں ہڑتال کا اعلان کردیا۔ تنظیم کے مرکزی صدر راؤطارق اشفاق کاکہناہے کہ اگران کے مطالبات تسلیم نہ کئے گئے توساہیوال، خانیوال، وہاڑی، قصور سمیت متعدد مقامات پرروڈ بلاک کردیں گے ۔

ان کایہ بھی کہنا تھا کہ ساہیوال قادر آباد کے مقام پردوپہر بارہ بجے مرکزی قیادت اورچیئرمین محمد انور کی موجودگی میں مظاہرہ کریں گے، راؤ طارق اشفاق کا کہنا تھا کہ کسانوں کوسرمایہ دار دونوں ہاتھوں سے لوٹ رہے ہیں۔

حکومت تحفظ فراہم کرنے میں ناکام دکھائی دیتی ہے، کھاد اوردیگر ادویات بھی انتہائی مہنگے داموں میں دستیاب ہیں، کسان کو فصلوں کے مناسب ریٹ بھی نہیں مل رہے۔

دھان کا ریٹ دو ہزار سے ساڑھے سات سو تک کم کردیاگیا ہے، سپرکرنل چاول بارہ سے پندرہ سو روپےمیں لے کر ساڑھے چھے ہزار روپے میں فروخت کیا جارہا ہے۔

شوگر مل والوں نے بھی تاحال ادائیگیاں نہیں کیں۔انہوں نے مطالبہ کیا کہ ٹی سی پی فوری طور پرکسانوں کے پاس ذخیرہ کی گئی کپاس خریدے، ورنہ احتجاج شدت اختیار کرجائے گا۔

Print Friendly, PDF & Email

Comments

comments

یہ بھی پڑھیں