پاکستان کو شنگھائی تعاون تنظیم کی مستقل رکنیت مل گئی -
The news is by your side.

Advertisement

پاکستان کو شنگھائی تعاون تنظیم کی مستقل رکنیت مل گئی

اوفا : پاکستان کو شنگھائی تعاون تنظیم کی مستقل رکنیت مل گئی، تنظیم میں بھارت کو بھی شامل کیا گیا ہے، تفصیلات کے مطابق پاکستان نے ایک اور کامیابی حاصل کرلی، شنگھائی تعاون تنظیم کی مستقل رکنیت مل گئی، بھارت کو بھی شامل کرلیا گیا۔ پاکستان اور بھارت کو شنگھائی تعاون تنظیم کی مستقل رکنیت دیدی گئی ہے۔

شنگھائی تنظیم تعاون کے رکن ممالک کے سربراہوں نے پاکستان اور بھارت کو تنظیم کی رکنیت دیئے جانے کے عمل کے آغاز کے بارے میں دستاویز پر دستخط کئے۔اس دستاویز پر روس، چین، قزاقستان، کرغزستان، تاجکستان اور ازبکستان کے سربراہوں نے دستخط کئے۔ اس سے قبل پاکستان اور بھارت کو شنگھائی تعاون تنظیم میں مبصر کا درجہ حاصل تھا۔

ترجمان دفتر خارجہ کے مطابق روس کے شہر اوفا میں جاری شنگھائی تعاون تنظیم کے اجلاس میں پاکستان کو مستقل رکنیت دے دی گئی، بھارت کو بھی ایس سی او میں شامل کرلیا گیا ہے۔ وزیراعظم نواز شریف نے شنگھائی تعاون تنظیم اور برکس کے اجلاسوں میں خصوصی طور پر شرکت کی۔

واضح رہے کہ پاکستان کو رکنیت ملنے کے بعد پانچ ممالک پر مشتمل تنظیم میں ایک اور ممبر کا اضافہ ہو گیا ہے۔ دفاعی تعاون کیلئے 1996ء میں چین، روس، ازبکستان اور قازقستان نے شنگھائی فائیو کے نام سے ایک گروپ تشکیل دیا تھا جس کا نام بعد میں تبدیل کرکے شنگھائی تعاون تنظیم رکھ دیا گیا۔

Comments

comments

یہ بھی پڑھیں