پاکستان کی سرزمین دہشت گردی کے لیے استعمال نہیں ہونے دیں گے، تسنیم اسلم -
The news is by your side.

Advertisement

پاکستان کی سرزمین دہشت گردی کے لیے استعمال نہیں ہونے دیں گے، تسنیم اسلم

اسلام آباد: دفترخارجہ کی ترجمان تسنیم اسلم کا کہنا ہے پاکستان کی سرزمین دہشت گردی کے لئے استعمال نہیں ہونے دیں گے، محفوظ سرحدیں نہ ہونے کی وجہ سے دہشت گرد دوسرے ملکوں میں داخل ہوتے ہیں۔

اسلام آباد میں ہفتہ وارمیڈیا بریفنگ سے خطاب کرتے ہوئے دفترخارجہ کی ترجمان تسنیم اسلم نے کہا کہ خطے کے تمام ممالک کو دہشت گردی کا سامنا ہے، پاکستان کی سرزمین کوکسی قسم کی دہشت گردی کے لئے استعمال نہیں ہونے دیا جائے گا۔

انھوں نے کہا کہ سرحدوں کے محفوظ نہ ہونے کے باعث دہشت گرد دوسرے ملکوں میں داخل ہوتے ہیں، مسلح افواج دہشت گردی کے خلاف کام کررہی ہیں۔

ترجمان کا کہنا تھا کہ دہشت گردی کی تمام کارروائیاں ایران کے اندر ہوئیں، ایران نے پاکستانی سرحد سے دہشت گردوں کے داخلے کے ثبوت نہیں دیئے، ایران کے پاس ثبوت ہیں تو بارڈر مینجمنٹ کو فراہم کرے۔

انہوں نے کہا کہ تحریکِ طالبان پاکستان کے شاہد اللہ شاہد کی پاکستان میں موجودگی کا علم نہیں۔

Comments

comments

یہ بھی پڑھیں