اسلام آباد: ملک کے بالائی علاقے سردی کی لپیٹ میں ہیں جبکہ میدانی علاقوں میں بھی سرد ہوائیں چلنےسے سردی کی شدت میں اضافہ ہوا ہے۔
محکمہ موسمیات کے مطابق آئندہ چوبیس گھنٹوں کے دوران بیشتر بالائی علاقوں میں موسم سرد اور خشک رہے گا جبکہ کشمیر ، مالاکنڈ، اور گلگت بلتستان کے ملحقہ پہاڑی علاقوں پر ہلکی برف باری کا امکان ہے۔
میدانی علاقوں میں بھی خنک ہوائیں چلنے سے سردی کی شدت میں اضافے کی پیش گوئی کی گئی ہے۔ گزشتہ روز سب سے زیادہ سردی اسکردو میں پڑی جہاں درجہ حرارت منفی سات ڈگری سینٹی گریڈ رکارڈ کیا گیا ہے۔
