پاک آسٹریلیا ون ڈے میچ کل شارجہ میں ہوگا -
The news is by your side.

Advertisement

پاک آسٹریلیا ون ڈے میچ کل شارجہ میں ہوگا

شارجہ: پاکستان اور آسٹریلیا کے درمیان تین میچوں کی ون ڈے سیریز کا پہلا میچ کل شارجہ میں کھیلا جائےگا۔ پاکستانی شاہینوں اور کینگروز کے درمیان متحدہ عرب امارات کے ریگستانوں میں ون ڈے سیریز کا آغاز ہونے جارہا ہے۔

جیت کا جنون لیے کھلاڑی پرجوش ہونگے ۔ میدان کے اندر بھی اور باہر بھی موسم گرم ہوگا۔ پچاس اوورز کے فارمیٹ میں کینگروز کو گرین شرٹس پر واضح برتری حاصل ہے۔

دونوں ٹیموں کے درمیان اب تک نواسی ون ڈے میچز کھیلے جاچکے ہیں۔قسمت کی دیوی شاہینوں پر صرف اکتیس بار مہربان ہوئی۔ آسٹریلیا فتوحات کی نصف سنچری مکمل کرکے چوون بار میدان مار نے میں کامیاب ہوچکا ہے۔

ایک میچ ٹائی اور تین غیر فیصلہ کن رہے۔ متحدہ عرب امارات میں ہونے والی دونوں سیریز کینگروز کے نام رہی۔ دو ہزار نو میں آسٹریلیاتین دو سے سیریز اپنے نام کی تو دوہزار بارہ میں دو ایک سے کامیابی سمیٹی۔

موجودہ ٹیم میں آفریدی آسٹریلیا کیخلاف انتالیس ون ڈے میچز میں چوالیس کینگروز کا شکار کرچکے ہیں۔بیٹنگ میں آفریدی چھ سو تراسی رنز کے ساتھ پہلے اور کپتان مصباح الحق تین سو ستتر رنز کے ساتھ دوسرے نمبر پر موجودہیں۔

Comments

comments

یہ بھی پڑھیں