پاکستان افغانستان جائنٹ چیمبر آف کامرس اینڈ انڈسٹری کا چوتھا تجارتی وفد کابل میں ہونیوالی سالانہ کانفرنس میں شرکت کیلئے 23 سے 26 دسمبر 2013ء تک افغانستان کا دورہ کریگا ، تجارتی وفد کی قیادت پی اے جے سی سی آئی پاکستان چیپٹر کے شریک صدر محمد زبیر موتی والا کریں گے۔-
پی اے جے سی سی آئی کا تجارتی وفد افغانستان کی وزارت تجارت انوسٹمنٹ سپورٹ ایجنسی وزارت خزانہ اور کابل میں پاکستان کے سفیر سمیت افغانستان کی بزنس کمیونٹی سے ملاقات کریگا، پاک افغان جائنٹ چیمبر کے زیر اہتمام حال ہی میں کرائے جانیوالے دوسرے ٹریڈ سروے کی بنیاد پر باہمی تجارت کے مواقعوں کے حوالے سے افغانستان کے شہر کابل میں دوسری سالانہ کانفرنس منعقد کی جارہی ہے۔
محمد زبیر موتی والا نے توقع ظاہر کی کہ پی اے جے سی سی آئی کے زیر اہتمام اس دورے سے دونوں ممالک کی تاجر برادری کے درمیان قریبی روابط مزید مستحکم ہوں گے اور دونوں جانب کی بزنس کمیونٹی مل کر مسائل کے حل کے لئے کوششیں کرسکے گی۔
