The news is by your side.

Advertisement

پاک بھارت تجارتی لین دین کو مزید بڑھایا جاسکتا ہے،ایس ایم منیر

اسلام آباد : ٹریڈ ڈیولپمنٹ اتھارٹی کے چیف ایگزیکٹو ایس ایم منیر نے کہا ہے کہ پاکستان اور بھارت کے مابین 3 ارب ڈالر تجارتی لین دین کو 8 ارب ڈالر تک بڑھایا جاسکتا ہے، ٹی ڈی اے پی کی جانب سے دہلی میں 10 تا 14 ستمبر 2014ءکو عالی شان پاکستان لائف اسٹائل نمائش کا انعقاد کیاجارہا ہے،جس کے لئے بھارتی وزیر تجارت نرملا نے اپنے بھرپورتعاون کی یقین دہانی کرادی ہے۔

میڈیا کے ایک گروپ سے بات چیت کرتے ہوئے انہوں نے کہا کہ دہلی میں منعقد کی جانے والی نمائش میں خواتین کو خصوصی رعایت فراہم کرتے ہوئے اسٹالز فراہم کئے جارہے ہیں اور پہلی مرتبہ پاکستان فوڈ فیسٹول کا بھی انعقادکیا جا رہا ہے، انہوں نے کہا کہ بھارتی وزیر تجارت نرملا نے حالیہ ملاقات میں لائف اسٹائل کے لئے بھارتی کسٹم اتھارٹی، امیگریشن اور سیکورٹی کے عہدیداران کو خصوصی ہدایات جاری کرتے ہوئے نمائش کا افتتاح کرنے کی بھی یقین دہانی کرا دی ہے۔

Print Friendly, PDF & Email

Comments

comments

یہ بھی پڑھیں