پاک بھارت تناؤ پر امریکا کا اظہارِ تشویش -
The news is by your side.

Advertisement

پاک بھارت تناؤ پر امریکا کا اظہارِ تشویش

واشنگٹن :امریکا نے پاکستان اور بھارت کے درمیان ورکنگ باؤنڈری پر فائرنگ کے بعد پیدا ہونے والے تناؤ پر تشویش کا اظہار کرتے ہوئے دونوں ملکوں کے درمیان مذاکرات پر زور دیا ہے۔

محکمۂ خارجہ کی ترجمان جین ساکی کا میڈیا سے گفتگو میں کہنا تھا کہ بارڈر پر کشیدگی کے دوران جاں بحق ہونے والوں سے ہمدردی ہے، دونوں ممالک کے درمیان مذاکرات کی حوصلہ افزائی کریں گے۔

ترجمان کا کہنا تھا کہ امریکا اور پاکستان کے درمیان دہشت گردی کی روک تھام کے لیے تعاون موجود ہے۔

امریکی وزیرِ خارجہ کے دورۂ پاکستان کے حوالے سے جین ساکی کا کہنا تھا کہ اسٹریٹجک مذاکرات کے لیے وزیرِ خارجہ جان کیری جلد پاکستان کا دورہ کریں گے، تاہم تاریخوں کا اعلان ابھی نہیں کر سکتے۔

کیری لوگر بل کے حوالے سے جین ساکی نے بتایا کہ بل کے تحت دو ہزار تیرہ سے کوئی امداد جاری نہیں کی گئی تاہم کیری لوگر بل کے علاوہ بھی پاکستان کو امداد دینے کا طریقہ کار موجود ہے۔

Comments

comments

یہ بھی پڑھیں