The news is by your side.

Advertisement

پاک بھارت وزرائےاعظم ملاقات آج روسی شہراوفا میں ہوگی

اسلام آباد: وزیرِاعظم نواز شریف شنگھائی کانفرنس کے موقع پر روس کے شہر اوفا میں پڑوسی ملک کے وزیراعظم نریندر مودی سے ملاقات کریں گے، بھارت کی جانب سے ملاقات کی تجویز کا پاکستان نے خیر مقدم کیا۔

ترجمان دفتر خارجہ کے جاری بیان کے مطابق وزیرِاعظم نواز شریف کی بھارتی ہم منصب نریندی مودی سے جمعہ کو روس میں ملاقات ہوگی، بھارت نے وزیراعظم نوازشریف اور نریندر مودی کی ملاقات کی تجویز دی، جس کا پاکستان نے خیر مقدم کیا اور بھارت کی طر ف سے دونوں وزرائے اعظم کی ملاقات کا مثبت جواب دیا۔

ترجمان دفتر خارجہ کا کہنا ہے کہ ملاقات سے دو طرفہ تعلقات میں کشیدگی کم کرنے میں مدد ملےگی، بین الاقوامی برادری بھی دونوں ممالک کے بہتر تعلقات کی خواہاں ہے ۔

وزیرِاعظم نوازشریف روس میں شنگھائی تعاون تنظیم کے سربراہوں کی کونسل کے اجلاس میں شرکت کرینگے، وزیرِاعظم برکس کے ساتویں اجلا س میں بھی شرکت کریں گے۔ روس میں وزیراعظم کی روس ، چین اور افغان صدور سے بھی ملاقا ت متوقع ہے ۔

Print Friendly, PDF & Email

Comments

comments

یہ بھی پڑھیں