پاک بھارت ٹاکرا: دونوں کپتان جیت کے لئے پرعزم -
The news is by your side.

Advertisement

پاک بھارت ٹاکرا: دونوں کپتان جیت کے لئے پرعزم

ایڈیلیڈ: ورلڈ کپ 2015 کے سب سے سنسنی خیز معرکے میں بھارتی کپتان ایم ایس دھونی نے ٹاس جیت کرپہلے بیٹنگ کرنے کا فیصلہ کرلیاہے۔

اس موقوع پربھارتی کپتان کا کہنا تھا کہ آسٹریلیا کی وکٹ اچھی ثابت ہوگی ’’ہم اس پچ پرحال ہی میں کھیل چکے ہیں اور امید ہے کہ پچ اپنی ہئیت زیادہ تبدیل نہیں کرے گی۔‘‘

ان کا کہنا تھا کہ میچ کے سیکنڈ ہالف میں پچ ذرا سست روی کا مظاہرہ کرے گی اس لئے پہلے بیٹنگ کرنے میں یہ پچ ہمارے بلے بازوں کی مددگار ہوگی۔

دھونی نے مزید کہا کہ باوٗلنگ سائڈ بھارتی ٹیم میں تین اسپیشل فاسٹ باؤلراور دو اسپنرہیں جو یقیناً پاکستانی بلے بازوں کو مشکل میں ڈالیں گے۔

پاکستانی ٹیم کے کپتان مصباح الحق کا کہنا ہے کہ پاکستان کی ٹیم زیادہ ترنوجوان کھلاڑیوں پرمشتمل ہے اورآج کا میچ سب کھلاڑیوں کے لئے انتہائی اہم ہے۔

انہوں نے بتایا کہ پاکستان ک جانب سے یونس خان اوراحمد شہزاد اننگ کا آغازکریں گے۔

مصباح کا کہنا تھا کہ بھارت کے خلاف کھیلنے کے لئے ہمیں مضبوط بیٹنگ اور باوٗلنگ لائن درکار تھی اسی لئے ہمیں سرفرازشاہ کومیچ میں نہ شامل کرنے کا فیصلہ کرنا پڑا۔

ان کا کہنا تھا کہ عمراکمل یقیناً ذمہ داری کا مظاہرہ کرتے ہوئے عمدہ بیٹنگ کریں گے۔

پاکستانی کپتان نے ٹیم کے بلند حوصلوں کا اظہارکرتے ہوئےجیت کے لئے پرعزم ہونے کا اظہارکیا۔

Comments

comments

یہ بھی پڑھیں