The news is by your side.

Advertisement

پاک بھارت کرکٹ سیریز آئندہ سال ہوگی،آئی سی سی

دبئی: انٹرنیشنل کرکٹ کونسل نے آئندہ سال دو روایتی حریفوں پاکستان اور بھارت کے درمیان باہمی سیریز کی تصدیق کردی۔اے آر وائی نیوز نے رواں سال اپریل میں پاکستان اور بھارت کے درمیان باہمی سیریز کی خبر سب سے پہلے بریک کی تھی جس کی تصدیق تین ماہ بعد آئی سی سی نے بھی کردی۔ آئی سی سی کا کہنا ہے کہ دسمبر دوہزار پندرہ میں پاکستان اور بھارت کے درمیان پہلی سیریز ہوگی۔

سیریز کی میزبانی پاکستان یو اے ای میں کرسکتا ہے جو دو ٹیسٹ، پانچ ون ڈے اور دو ٹی ٹوئنٹی پر مشتمل ہوگی۔ دونوں ممالک کے درمیان دوہزار پندرہ سے دوہزار تئیس تک کے فیوچر ٹور پروگرام میں چھ سیریز شیڈول ہیں۔ ان آٹھ سالوں میں پاکستان اور بھار ت بارہ ٹیسٹ، تیس ون ڈے اور گیارہ ٹی ٹوئنٹی میں مدمقابل ہوں گے۔ بھارت دو سیریز کی میزبانی کرے گا۔

آئی سی سی کے چئیرمین سری نیواسن کا کہنا ہے کہ پاک بھارت کرکٹ روابط بحال کرنے کی تجویز رکھی گئی تھی اور معاہدے کے تحت دونوں ٹیمیں جلد ایکشن میں دکھائی دیں گی۔

Print Friendly, PDF & Email

Comments

comments

یہ بھی پڑھیں