The news is by your side.

Advertisement

پاک زمبابوے سیریز، شائقین کے لئے ہدایت نامہ جاری

لاہور: زمبابوے کے خلاف میچز کے لئے سیکیورٹی اداروں نے شائقین کے لئے ہدایات جاری کردیں، میچ دیکھنے کے لئے فینز کو اصل شناختی کارڈ کے ہمراہ مقرر وقت سے دو گھنٹے قبل اسٹیڈیم آنا ہوگا۔

پاکستان میں انٹرنیشنل کرکٹ کی واپسی سے شائقین کرکٹ خوشیاں منارہے ہیں اور لائیو ایکشن دیکھنے کیلئے شائقین کی بڑی تعداد اسٹیڈیم جانے کیلئے پُرعزم ہے۔

جمعے کو ہونے والے پہلے ٹی ٹوئنٹی میچ کے تمام ٹکٹ فروخت ہوچکے ہیں۔

سخت سیکورٹی کے پیشِ نظر پنجاب پولیس نے شائقین کیلئے قوائد و ضوابط کا پلان جاری کردیا ہے۔

ٹکٹ ہولڈر کیلئے اصل شناختی کارڈ ساتھ لانا ضروری ہوگا۔ شناختی کارڈ کی تصدیق کے لئے نادرا کی وین بھی اسٹیڈیم میں موجود رہینگی۔ جعلی کارڈ ہونے کی صورت میں فوری گرفتاری عمل میں لائی جائیگی۔

پنجاب پولیس کے مطابق مہمان ٹیم زمبابوے کی آمد اور روانگی کے وقت راستےکو کلیئر رکھا جائیگا۔

زرائع کے مطابق پہلے ٹی ٹوئنٹی میچ کے لئے صدر مملکت ممنون حسین بھی گراونڈ میں موجود ہوں گے۔ پی سی بی نے زمبابوے کے میچز دیکھنے کے لئے وزیرِاعظم اور مختلف سفارتکاروں کو بھی دعوت نامے جاری کیے ہیں۔

Comments

comments

یہ بھی پڑھیں