کولمبو: پاکستان اور سری لنکا کے درمیان سیریز کا دوسرا اور آخری ٹی ٹوئنٹی آج کولمبو میں کھیلا جائے گا، پاکستان کو دو میچ کی سیریز میں ایک صفر کی برتری حاصل ہے۔
پاکستان اور سری لنکا کی ٹیمیں کولمبو میں سیریز کے دوسرے اور آخری ٹی ٹوئنٹی میں آج مدِمقابل ہوں گی، پہلے ٹی ٹوئنٹی میں کامیابی کے بعد پاکستان کی نظریں سیریز پر ہیں، جو اس میچ کو جیت کر ٹیسٹ اور ون ڈے کے بعد ٹی ٹوئنٹی سیریز بھی اپنے نام کرنا چاہتا ہے۔
میچ پاکستانی وقت کے مطابق شام ساڑھے چھ بجے ہوگا، ذرائع کے مطابق دونوں ٹیموں میں کسی تبدیلی کا امکان نہیں ہے۔
