پاک فضائیہ کے سربراہ کا نیول ہیڈ کوارٹرز کا دورہ -
The news is by your side.

Advertisement

پاک فضائیہ کے سربراہ کا نیول ہیڈ کوارٹرز کا دورہ

اسلام آباد: پاک فضائیہ کے سربراہ ائیر چیف مارشل سہیل امان نے اپنا منصب سنبھالنے کے بعد نیول ہیڈ کوارٹرزاسلام آباد کا پہلا دورہ کیا اور پاک بحریہ کے سربراہ ایڈمرل ذکاء اللہ سے ملاقات کی ہے۔

پاک بحریہ کے ترجمان کے مطابق پاک بحریہ کے سربراہ ایڈمرل ذکاء اللہ نے پاک فضائیہ کی قیادت سنبھالنے پر ایئر چیف مارشل سہیل امان کو مبارک باد دی ، انہوں نے کہا کہ دونوں افواج تمام اہم آپریشنل اور انٹر سروسزمعاملات میں متواتر باہمی رابطے اور تعاون جاری رکھیں گی۔

چیف آف دی نیول سٹاف ایڈمرل ذکاء اللہ نے شدت پسندی کے خلاف جنگ میں پاک فضائیہ کے کردار کو سراہتے ہوئے کہا کہ آپریشن ضربِ عضب میں پاک فضائیہ کا کردار قابل تحسین ہے۔

انہوں نے توقع ظاہر کی کہ پاک فضائیہ ایئر چیف مارشل سہیل امان کی زیرقیادت مزید کامیابیاں حاصل کرے گی۔

پاک فضائیہ کے سربراہ ائیر چیف مارشل سہیل امان نے کہا کہ ملک کے دفاع کو ناقابل تسخیر بنانے کے لئے پاک بحریہ کے ساتھ قریبی روابط قائم رکھیں گے۔

Comments

comments

یہ بھی پڑھیں