پاک فضائیہ کے سربراہ کی پاک بحریہ کے سربراہ سے ملاقات -
The news is by your side.

Advertisement

پاک فضائیہ کے سربراہ کی پاک بحریہ کے سربراہ سے ملاقات

اسلام آباد: پاک فضائیہ کے سربراہ ائیر چیف مارشل طاہر رفیق بٹ نے نیول ہیڈ کوارٹرز اسلام آباد کا دورہ کیا اور پاک بحریہ کے سربراہ ایڈمرل محمد ذکااللہ سے الوداعی ملاقات کی۔

ترجمان پاک بحریہ کے مطابق نیول ہیڈ کوارٹرز آمد پر ایئر چیف کو اعزازی سلامی پیش کی گئی، جس کے بعد دونوں سربراہان میں ہونے والی ملاقات کے دوران ایڈمرل محمد ذکااللہ نے ائیر چیف مارشل طاہر رفیق بٹ کی بطور ایئر چیف قابل قدر خدمات کو سراہا اور کہا کہ پاکستان ایئر فورس کی آپریشنل صلاحیتوں کو بڑھانے اور اُسے جدید ترین آلات سے لیس ایئر فورس بنانے میں ایئر چیف مارشل طاہر رفیق بٹ کا کردار مثالی رہا۔

سربراہ پاک بحریہ ایڈمرل ذکاء اللہ نے مزید کہا کہ آپریشن ضرب عضب میں پاک فضائیہ کی کاوشیں لائق تحسین ہیں۔

ائیر چیف مارشل طاہر رفیق بٹ کا ایڈمرل محمد ذکااللہ اور پاک بحریہ کے مثالی تعاون کا شکریہ اور پاک بحریہ کے سربراہ کیلئے لئے نیک تمناوں کا اظہار کیا۔

Comments

comments

یہ بھی پڑھیں