site
stats
پاکستان

پاک فضائیہ کے شاہینوں کی سانحہ پشاور کے شہداء کوسلامی

پشاور: پاک فضائیہ کے شاہینوں نے نچلی پروازوں کے ذریعے سانحہ پشاور کے شہداء کو سلامی دی اور خراج تحسین پیش کیا ، سربراہ پاک فضائیہ کہتے ہیں قوم کے شانہ بشانہ ملک دشمنوں سے لڑیں گے۔

دہشتگردوں کے حملے میں بچ جانے والے غازیوں نے علم کی شمع روشن کر کے نئی مثال قائم کر دی، معصوم شہیدوں کی قربانی رائیگاں نہ جائیں۔

پاک فضائیہ کے شاہینوں نے آرمی پبلک اسکول کے شہید طلباء کو سلامی پیش کی، شاہینوں نے سانحہ میں جان کا نذرانہ دینے والے معصوموں کو فضاء میں مارچ کر کے خراج عقیدت پیش کیا۔

فلائی پاسٹ میں جے ایف سیونٹین تھنڈر طیاروں نے بھی حصہ لیا، ترجمان پاک فضائیہ کے مطابق فلائی پاسٹ آرمی پبلک اسکول پرحملے کوایک ماہ مکمل ہونے پر کیا گیا۔ جس میں بچوں اور والدین سمیت اساتذہ کی بڑی تعداد موجود تھی۔

 لاہورکینٹ کے اے پی ایس میں مختلف اسکولوں کے طلبہ اوران کے والدین پشاور کے طلبہ سے اظہاریکجہتی کیلئےپہنچے اور انسانی ہاتھوں کی طویل زنجیر بنائی ، ہاتھوں میں ہاتھ ڈال کرطلبہ نے دہشت گردوں کوواضح پیغام دے دیا کہ ہم ایک زندہ قوم ہیں۔

یاد رہے کہ سانحۂ پشاور میں برپا کی جانے والی بربریت کو آج ایک ماہ بیت گیا ہے، پشاور سانحے میں بچوں کی شہادت نے دنیا بھر کو ہلا کر رکھ دیا تھا، اندوہناک واقعے آرمی پبلک سکول و کالج پشاور پر وحشیانہ حملے کے دوران ایک 134معصوم بچوں سمیت 148افراد شہید ہوگئے تھے، جن میں کالج کی پرنسپل اور دیگر اساتذہ اور اسٹاف ممبر شامل تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top