The news is by your side.

Advertisement

پاک فوج اورنیوی کی سیلاب سے متاثرہ علاقوں میں امدادی سرگرمیاں

لاہور/ پنجاب: سیلابی صورتحال سے نمٹنے اورمتاثرین کی امداد کے لیے پاک فوج اور پاکستان نیوی کے جوان بھرپورکردارادا کر رہے ہیں، سندھ میں متوقع سیلاب کے پیشِ نظر پاکستان نیوی نے ریسکیو ٹیمیوں کی تعداد میں اضافے کا فیصلہ کرلیا ہے۔

سیلاب متاثرین کی امداد کے لیے پاک فوج اورپاکستان نیوی کےدستے بھرپوراقدامات کر رہے ہیں، امدادی سرگرمیوں کے دوران پاک فوج نے سیلاب میں پھنسے انتیس ہزارسے زائد افراد کو محفوظ مقامات پر منتقل کیا۔

ترجمان آئی ایس پی آر کے مطابق جھنگ، ملتان، بہاولپور اور رحیم یار خان میں ہیلی کاپٹروں کے ذریعے راشن بھی تقسیم کیا گیا جبکہ مظفر گڑھ ، احمد پور شرقیہ ، پنجند اور ملتان میں سینکڑوں افراد کو محفوظ مقامات پر منتقل کیا گیا ہے، اس کے علاوہ سیلاب سے متاثرہ علاقوں میں آرمی ڈاکٹرز پر مشتمل میڈیکل یونٹس میں کام کررہے ہیں۔

دوسری جانب پاکستان نیوی نے جھنگ اور چنیوٹ کے سیلاب متاثرین کے لئے فلڈ ریلیف آپریشن کا دائرہ مزید بڑھا دیا ہے، متاثرین کی امداد کے لیے پاکستان نیوی اپنے فضائی اوربحری اثاثوں کا بھر پور استعمال کر رہی ہے، سندھ میں متوقع سیلاب کے پیشِ نظر پاکستان نیوی کی جانب سے بالائی سندھ میں مزید ریسکیو ٹیمیں بھیجنے کی منصوبہ بندی بھی کر چکی ہے۔

Print Friendly, PDF & Email

Comments

comments

یہ بھی پڑھیں