site
stats
پاکستان

پاک فوج کے دہشتگروں کیخلاف کامیاب آپریشن نے بھارت کی نیندیں اڑا دیں

اسلام آباد: پاکستان کی جانب دہشتگردوں کیخلاف کامیاب آپریشن نے بھارت کی نیندیں اڑا دی ہیں اور بھارت لائن آف کنٹرول پر بلااشتعال فائرنگ کر کے دل کی بھڑاس نکال رہا ہے۔

پاکستان کی عسکری قیادت نے آپریشن ضربِ عضب اور خیبرون آپریشن سے دہشتگردوں کی کمر توڑ دی ہے، دہشتگرد اب پاک سر زمین سے فرار کا راستہ اختیار کررہے ہیں۔

ایسے میں بھارت سے پاک فوج کی کامیابیاں ہضم نہیں ہو رہی ہیں، کبھی بھارتی فوج لائن آف کنٹرول پرمعصوم پاکستانی شہریوں پر بلا اشتعال فائرنگ کرتی ہے تو کبھی بھارتی میڈٰیا الزام لگاتا ہے کہ دہشتگردوں کو کشتی کے ذریعے بھارت آتے ہوئے گرفتار کیا گیا ہے۔

پاکستان آپریشن ضربِ عضب جوں جوں کامیاب ہورہا ہے، ملکی و بیرونی سطح پر پاکستانی افواج شاباش سمیٹ رہی ہے ،وہیں بھارت کا پاکستان کیخلاف پروپیگنڈا تیز ہو گیا ہے۔

بھارتی پروپیگنڈے کے مقاصد کیا ہیں؟ کیا بھارت پاک فوج کو بدنام کرنا چاہتا ہے یا پھرپاکستان کے دشمنوں کے خاتمے پر بھارت کی نیندیں اڑی ہوئیں ہیں، ایسا تو نہیں کہ بھارت پاکستان میں دہشت گردی پھیلانے والوں کی پشت پر اپنے مذموم مقاصد تو حاصل نہیں کررہا، اس تمام صورتحال کا عالمی برادری کو سنجیدگی سے جائزہ لینا چاہیئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top