The news is by your side.

Advertisement

پاک چین اقتصادی راہداری کے شمالی روٹ پرآج سے باضابطہ کام شروع

اسلام آباد: پاک چین اقتصادی راہداری کے شمالی روٹ پر آج سے باضابطہ کام شروع کیا جارہا ہے، جس کے لیے اٹھاون ارب روپے بتدریج جاری کیےجائیں گے۔

پاک چین اقتصادی راہداری کا خواب شرمندہ تعبیر ہونے کو ہے، راہداری کے شمالی روٹ پر کام آج سے شروع کیا جائے گا، پاکستان کے خصوصی ترقیاتی پروگرام میں منصوبے کیلئے پہلی مرتبہ رقم مختص کی گئی ہے۔

راہداری کے شمالی روٹ میں شامل خیبر پختونخوا کے شہر تھاکوٹ سے حویلیاں تک ایک سو بیس کلومیٹر سڑک کی اپ گریڈیشن اور ازسرِنو تعمیر کی جائے گی، فیز ون کیلئے ساڑھے بیس ارب روپے رکھے گئے ہیں۔

اس کی منظوری ایکنک نے دو ہزار چودہ میں دی تھی، اس سڑک کی مجموعی لاگت اڑسٹھ ارب روپے ہے اور فتح جنگ سے ترنول تک دو رویہ سڑک تعمیر کی جائیگی، جس کا مقصد اسلام آباد کو ڈیرہ اسماعیل خان کوریڈور سے براہ راست منسلک کرنا ہے۔

Print Friendly, PDF & Email

Comments

comments

یہ بھی پڑھیں