site
stats
آزادی مارچ

پرامن رہنے کی یقین دہانی نہیں کراسکتے،عارف علوی

اسلام آباد : پاکستان تحریک انصاف کے رہنما ڈاکٹر عارف علوی نے کہا ہے کہ کل اسلام آباد میں ہونے والا جلسہ شہر کی تاریخ میں سب سے بڑا ہوگا۔ حکومت کی جانب سے رکاوٹیں نہ ڈالنے کی یقین دہانی پر یقین نہیں ہے۔

اسلام آباد میں جہانگیر ترین کی رہائش گاہ پر پارٹی کے اہم مشاورتی اجلاس کے بعد میڈیا سے گفتگو میں عارف علوی کا کہنا تھا کہ پور ی قوم ملک میں حقیقی تبدیلی کے لیے کل گھر سے نکلے۔

حکومت نے اگر کہیں بھی رکاوٹیں ڈالنے کی کوشش کی تو پرامن رہنے کی یقین دہانی نہیں کراسکتے۔انہوں نے کہا کہ عمران خان کل کے جلسے میں آئندہ کے لائحہ عمل کا اعلا ن کریں گے۔

اگر رکاوٹیں کھڑی کی گئیں تو عمران خان ہر جگہ کارکنوں کو نہیں روک سکیں گے۔ عارف علوی نے کہا کہ ملک میں پیٹرولیم مصنوعات کی قیمتیں عالمی مارکیٹ کے تناسب کم نہیں کی گئیں ۔

انہوں نے ڈاکٹر خالد سومرو کے قتل کی شدید مذمت کرتے ہوئے کہا کہ تحریک انصاف سیاسی رہنماوٴں کی ٹارگٹ کلنگ کے سخت خلاف ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top