site
stats
پاکستان

پرویز الہٰی کی قیادت میں قافلہ بھی مارچ میں شریک

لاہور: انقلاب مارچ میں شرکت کے لئے مسلم لیگ قاف کا قافلہ چوہدری بردران کی قیادت میں لاہور سے حرکت میں آگیا ہے، پرویز الٰہی کہتے ہیں انقلاب اور آزادی مارچ مل چکے ہیں، عوام اسلام آباد سے تب جائیں گے جب حکمران گھر جائیں گے۔

آزادی مارچ میں ڈاکٹر طاہر القادری کے شانہ بشانہ چلنے والے چوہدری برادران نے اپنے کارکنوں کے ساتھ اسلام آباد مین پڑاؤ ڈالنے کیلئے کمر کس لی ہے،لیکن قدم قدم پر رکاوٹیں سامنے آرہی ہیں، مسلم لیگ ق کے ترجمان کا کہناہے کہ چوہدری پرویز الٰہی ایک گھنٹے تک ماڈل ٹاؤن جانے کی کوشش کرتے رہے، چاروں طرف کنٹینر لگے ہونے کی وجہ سے وہ ڈاکٹر طاہر القادری کے گھر نہ پہنچ سکے۔

چوہدری پرویز الٰہی نے اے آر وائی سے خصوصی گفتگو میں کہا کہ پاکستان کی بہتری،بھلائی اورتبدیلی کیلئےلانگ مارچ کررہےہیں، نواز شریف اور شہبازشریف کےاستعفےتک شرکاء واپس نہیں جائیں گے، اس سے پہلے چوہدری پرویز الٰہی نے کہا کہ انقلاب اور آزادی مارچ مل چکے ہیں، اب عوام اسلام آباد سے تب جائیں گے جب حکمران گھر جائیں گے، سب کا فرض ہے کہ آج گھروں سے نکلیں۔

ان کا کہنا تھا کہ انقلاب مارچ کے لئے ہماری اپنی حکمت عملی ہے۔حکومت کے خاتمے تک اسلام آباد میں بیٹھیں گے اللہ کی ذات پر بھروسہ ہے، انقلاب مارچ ضرور کامیاب ہوگا، دوسری جانب مسلم لیگ ق خیبرپختونخوا کا عہدیداروں کا وفد انقلاب مارچ میں شرکت کیلئے اسلام آباد پہنچ گیا، سینکڑوں افراد پر مشتمل قافلے کے شرکاء نے چوہدری شجاعت حسین سے ملاقات کی ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top