site
stats
پاکستان

پرویز مشرف کیس: حکومت شوکت عزیز کے خلاف کارروائی کے لیئے تیار

اسلام آباد: ہائی کورٹ میں پرویز مشرف کیس کی سماعت ہوئی، جس کے دوران حکومت نے شوکت عزیز کے خلاف کارروائی کرنے پر رضامندی ظاہر کردی ہے۔

جسٹس نور الحق قریشی اور جسٹس عامر فاروق پر مشتمل دو رکنی بنچ کے سامنے سابق صدر پرویز مشرف کے وکیل بیرسٹر فروغ نسیم پیش ہوئے، انکا کہنا تھا کہ راولپنڈی ہائی کورٹ بار کے سابق صدر توفیق آصف اس کیس میں براہ راست متاثر نہیں ہیں ۔

وفاق کی جانب سے ایڈیشنل اٹارنی جنرل افنان کریم کنڈی نے عدالت سے درخواست کی کہ کیس میں جواب داخل کرنے کے لیے وقت دیا جائے۔

عدالت نے سرکاری وکیل کی استدعا منظور کرتے ہوئے کیس کی سماعت انیس اکتوبر تک ملتوی کردی اور حکم دیا کہ انیس اکتوبر سے مقدمے کی سماعت روزانہ کی بنیاد پر ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top