site
stats
پاکستان

پشاور، چارسدہ، بنوں اورنوشہرہ میں آج عید منائی جارہی ہے

پشاور : ملک میں اس سال بھی دو عیدیں منانے کی روایت برقرار ہے۔

خیبرپختونخوا کے مختلف اضلاع میں آج عیدالفطر منائی جارہی ہے،  پشاور میں نماز عید کے بڑے اجتماعات عید گاہ اور باغ ناران میں منعقد ہوئے۔ عوامی نیشنل پارٹی کے رہنماؤں غلام احمد بلور اور حاجی عدیل نے پشاور میں نماز ادا کی۔

  شمالی وزیرستان، مردان، چارسدہ، نوشہرہ اور بنوں میں بھی نماز عید الفطر کے اجتماعات ہوئے اور لوگوں نے نماز عید ادا کی جبکہ ہزارہ اور مالاکنڈ ڈویژن کے عوام مرکزی رویت ہلال کمیٹی کے اعلان پر عید منائیں گے۔

داؤدی بوہرہ جماعت آج عید الفطر عقیدت اور احترام سے منارہی ہے، کراچی میں نماز عید کا بڑا اجتماع طاہری مسجد صدر میں منعقد ہوا، نماز عید کے اجتماع میں بوہری جماعت سے تعلق رکھنے والے افراد نے بڑی تعداد میں شرکت کی۔

 نمازِ عید کے اجتماعات کے موقع پر پولیس اور رینجزر کے اضافی اہلکاروں کو تعینات کیا گیا تھا، شہر میں نماز عید کے 11سے زائد اجتماعات منعقد کئے گئے۔ جن علاقوں میں نماز عید ادا کی گئی، ان میں حیدری، صدر، جونا مارکیٹ، گاڑی کھاتا، ڈیفنس، سندھی مسلم سوسائٹی، ماڈل کالونی اور رنچھوڑ لائن کے علاقے شامل ہیں۔

نماز عید کی ادائیگی کے بعد بوھری برادری کے افراد ایک دوسرے سے گلے ملے اور انہیں عید کی مبارکباد دی اور ملک کی سلامتی اور ترقی سمیت امن و امان کے لِئے خصوصی دعائیں مانگی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top