پشاور:آرمی پبلک اسکول کے اطراف گرینڈ سرچ آپریشن،متعدد افراد گرفتار -
The news is by your side.

Advertisement

پشاور:آرمی پبلک اسکول کے اطراف گرینڈ سرچ آپریشن،متعدد افراد گرفتار

پشاور:  آرمی پبلک اسکول کے اطراف گرینڈ سرچ آپریشن میں افغان باشندوں سمیت متعدد مشتبہ افراد گرفتار کرلئے گئے، ملزمان سے اسلحہ بھی بر آمد ہوا۔

سانحہ آرمی پبلک اسکول کے بعد پشاور میں دہشتگردوں کے خلاف متواتر کارروائیاں جاری ہیں، قانون نافذ کرنے والے اداروں کی جانب سے آرمی پبلک اسکول کے اطراف گرینڈ سرچ آپریشن کیا گیا۔

پولیس کے مطابق سرچ آپریشن میں غیر قانونی طور پر مقیم پانچ افغان باشندوں سمیت متعدد مشتبہ افراد کو حراست میں لیا گیا ہے، گرفتار افرادکے قبضے سے تین پستول، بارہ رائفلز اور سینکڑوں کارتوس برآمد ہوئے، مشتبہ افراد کو تفتیش کے لئے نامعلوم مقام پر منتقل کردیا گیا ہے۔

ایس ایس پی آپریشن کے مطابق سرچ آپریشن میں ستر گھروں کی جیو ٹریکنگ کے ذریعے تصدیق کی گئی، آپریشن میں سراغ رساں کتوں کی بھی مدد لی گئی۔

Comments

comments

یہ بھی پڑھیں