پشاور:سیکیورٹی فورسز کی کارروائیاں، کالعدم تنظیم کے 2دہشت گرد گرفتار -
The news is by your side.

Advertisement

پشاور:سیکیورٹی فورسز کی کارروائیاں، کالعدم تنظیم کے 2دہشت گرد گرفتار

پشاور: سیکیورٹی فورسز نے مختلف کارروائیوں میں اسکولوں کو دھماکے سے اڑنے والے دو دہشت گرد گرفتار اور پانچ خودکش جیکٹیں برآمد کرلیں۔

پشاور میں سیکیورٹی اداروں کی کارروائیوں میں خیبر ایجنسی کی کالعدم تنظیم کے دو دہشت گرد گرفتار کرلئے گئے، دہشتگرد سیکیورٹی فورسز پر حملے اور اسکولوں کو دھماکے سے اڑنے میں ملوث تھے۔

گرفتار دہشتگردوں کی شناخت محمداللہ اور اکرم کے ناموں سے ہوئی ہے، دہشتگردوں کو تفتیش کے لئے نامعلوم مقام پر منتقل کردیا گیا۔

دوسری جانب قانون نافذ کرنے والوں نے دہشتگردی کے ایک بڑے منصوبے کو ناکام بنادیا اور پشاور کے علاقے باڑہ شنوبر سے پانچ خودکش جیکٹس برآمد کرلی ہیں، جو پشاور میں دہشتگردی کے لئے تیار کی گئی تھی۔

سیکیورٹی حکام کے مطابق تحریکِ طالبان کی جانب سے خودکش حملوں کی منصوبہ بندی کی اطلاعات تھیں ۔

Comments

comments

یہ بھی پڑھیں