site
stats
اہم ترین

پشاور:شمالی وزیرستان آپریشن متاثرین کی رجسٹریشن کا آج آخری دن

پشاور: شمالی وزیرستان آپریشن متاثرین کی رجسٹریشن کا آج آخری دن ہے ، اب تک نو ہزار افراد کی رجسٹریشن کر لی گئی ہے۔

شمالی وزیرستان میں پاک فوج کے آپریشن ضرب عضب کےدوران نقل مکانی کرنے والے متاثرین کی رجسٹریشن اورامداد کا سلسلہ جاری ہے، ایف ڈی ایم اے کے مطابق پشاور کے علاقے حیات آباد میں آج متاثرین کی رجسٹریشن کا آخری دن ہے، رجسٹریشن کاعمل سات جولائی کوشروع ہواتھا۔

سرکاری اعداد و شمار کے مطابق شمالی وزیرستان سے نقل مکانی کرنے والوں کی تعداد نو لاکھ سے تجاوز کرگئی ہے،جن میں دولاکھ اڑتیس ہزارسات سو دس مرد،دولاکھ پینسٹھ ہزاردو سو سات خواتین اور چارلاکھ اڑتیس ہزار چھ بچے شامل ہیں۔

سرکاری حکام کے مطابق انتیس ہزارآٹھ سو ترپن خاندانوں میں امدادی رقوم تقسیم کرلی گئی ہے، متاثرہ خاندانوں میں پینتیس کروڑ بیاسی لاکھ چھتیس ہزار روپےکی رقم تقسیم کی جا چکی ہے،حکومتِ خیبر پختونخوا کی جانب سے بھی متاثرہ افراد کیلئے امدادی پروگرام ایثار پختونخوا جاری ہے، اب تک ایثار پروگرام کے تحت سات ہزار خاندانوں کوامدادی رقوم مل چکی ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top