The news is by your side.

Advertisement

پشاور: تاجروں کی ہلاکت کیخلاف تاجر برادری سراپا احتجاج

پشاور: تجاوازت کے خلاف آپریشن نے تین تاجروں کی جان لے لی، تاجروں کی ہلاکت کیخلاف پشاور کی تاجر برادری آج  ہڑتال کررہی ہے۔

گزشتہ رات پشاور کے گھنٹہ گھر پر تجاوزات کیخلاف انتظامیہ نے بھاری مشینری کے ساتھ آپریشن شروع کیا، آپریشن کے دوران تین تاجر کرین کی زد میں آکرجاں بحق ہوگئے، جس پر تاجر برادری سراپا احتجاج بن گئی ہے۔

پشاور کے تاجر آج ہلاکتوں کیخلاف کاروبار بند رکھ اپنا احتجاج ریکارڈ کروا رہے ہیں ۔

واقعے کے بعد وزیرِاعلی خیبر پختون خوا کے نوٹس لینے پر پولیس نے اسسٹنٹ کمشنر ، ایڈمنسٹریٹر اور کرین کے ڈرائیور کیخلاف مقدمہ درج کرلیا، وزیرِاعلٰی پرویز خٹک نے کہا کہ واقعے کے ذمہ دار افراد سے قانون کے مطابق نمٹا جائے گا۔

گذشتہ روز تاجروں نے واقعے کو انتظامیہ کی جارحیت قرار دیا اور پشاور میں مکمل ہڑتال کا اعلان کیا تھا۔

سیکرٹری داخلہ نے تجاوزات معاملے کا نوٹس لے لیا، واقعے کی انکوائری کا حکم دے دیا ہے، سیکرٹری داخلہ اختر علی اسپیشل سیکرٹری ہوم سراج احمد خان کو انکوائری کمیٹی کا سربراہ بنا دیا گیا ہے، پرویز خٹک نے تجاویزات کے خلاف آپریشن مین تین افراد کی ہلاکت پر نوٹس لے لیا، واقعہ اور افسوس کا اظہار اور تحقیقاتی ٹیم تشکیل دیدی۔

Print Friendly, PDF & Email

Comments

comments

یہ بھی پڑھیں