The news is by your side.

Advertisement

پشاور میں دھماکا ،3افراد جاں بحق، 13 زخمی

پشاور: شیر شاہ سوری روڈ پر زور دار دھماکے ہوا، جس کے نتیجے میں ایک ایف سی اہلکار اور خاتون سمیت تین افراد شہید جبکہ ایف سی کے دو اہلکاروں سمیت تیرہ افرادزخمی ہوگئے۔

سیکیورٹی حکام کے مطابق دھماکے میں ایف سی کے قافلے کو نشانہ بنایا گیا، دھماکے کی اطلاع ملتے ہی قانون نافذ کرنے والے اداروں کے اہلکاروں کی بڑی تعداد نے علاقے کو گھیرے میں لے کر سیل کردیا، دھماکے میں ایف سی کا ایک اہلکار بھی شہید ہوا جبکہ جاں بحق ہونے والوں میں ایک خاتون بھی شامل ہے۔

امدادی ٹیموں نے جائے وقوعہ پر پہنچ کر لاشوں اور زخمیوں کو لیڈی ریڈنگ اسپتال منتقل کیا، قانون نافذ کرنے والے ادارے جائے وقوعہ سے شواہد اکھٹے کررہے ہیں اور بم ڈسپوزل اسکوڈ کو بھی طلب کرلیا ہے۔

سیکیورٹی حکام کے مطابق دھماکے میں کرنل خالد کو نشانہ بنانے کی کوشش کی گئی لیکن وہ محفوظ ہے، دھماکے میں ایف سی کی گاڑی مکمل طور تباہ ہوگئی ہے جبکہ دھماکے میں دو موٹر سائیکل اور ایک رکشہ بھی مکمل طور پر تباہ ہوگیا، دھماکے کے بعد پشاور میں سیکیورٹی ہائی الرٹ کر دی گئی ہے۔

سی سی پی او پشاور کا کہنا تھا کہ ابتدائی تحقیقات سے معلوم ہوا ہے کہ ایک سڑک کنارے کھڑی چھوٹی گاڑی میں بارود بھرا ہوا تھا، ایف سی قافلہ جیسے ہی گاڑی کے قریب پہنچا تو گاڑی دھماکے سے پھٹ گئی۔

  آئی جی بم ڈسپوزل اسکواڈ شفقت ملک کا کہنا تھا کہ دھماکے میں پینتالیس کلو دھماکا خیز مواد استعمال کیا گیا ہے، ایف سی ہیڈکوارٹرز، ریلوے اسٹیشن اور پریس کلب بھی اسی علاقے میں واقع ہے۔

Print Friendly, PDF & Email

Comments

comments

یہ بھی پڑھیں