site
stats
اہم ترین

پشاور: وزیرباغ میں پولیس وین پر بم حملہ، اہلکارشہید ،3 زخمی

پشاور:  وزیر باغ  میں پولیس موبائل سڑک کنارے نصب سے مکمل طور پر تباہ ہوگئی، دھماکے کے نتیجے میں ایک اہلکار شہید اور تین زخمی ہوگئے۔

پشاور کے علاقے وزیر باغ میں پولیس موبائل معمول کے گشت پر تھی کہ سڑک کنارے نصب بم دھماکے سے مکمل طور پر تباہ ہوگئی، دھماکے کے نتیجے میں ہیڈ کانسٹیبل جاوید شہید جبکہ تین اہلکار زخمی ہوگئے، جنہیں طبی امداد کے لئے لیڈی ریڈنگ اسپتال منتقل کردیا گیا ہے۔

بم ڈسپوزل اسکواڈ کے مطابق سڑک کنارے نصب بم ریمورٹ کنٹرول تھا، جس میں دو کلو گرام بارودی مواد استعمال کیا گیا تھا، بم اسپیڈ بریکر کے ساتھ نصب کیا گیا تھا، دہشت گردوں کا ٹارگٹ پولیس موبائل ہی تھی۔

واقعے کے بعد علاقے میں پولیس کا سرچ آپریشن بھی کیا گیا۔ تاہم سرچ آپریشن کے نتیجے میں کوئی گرفتاری عمل میں نہیں آئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top