The news is by your side.

Advertisement

پشاور: پولیس قافلے پر حملے کی ابتدائی رپورٹ مکمل

پشاور : متنی میں پولیس قافلے پر حملے میں بھاری ہتھیاروں کا استعمال کیا گیا، عسکریت پسندوں کی تعداد نو تھی، تحقیقاتی رپورٹ مکمل کر لی گئی۔

پشاور کے نواحی علاقے متنی میں پولیس قافلے پر ہونے والے حملے کی ابتدائی رپورٹ مکمل کر لی گئی ہے، رپورٹ کے مطابق پولیس ٹیمیں ایس پی ڈی ایس پیز بھاری نفری کے ہمراہ فرنٹیر روڈ بارڈ پر موجود تھے، اسی دوران علاقہ غیر سے دو گاڑیوں اور دو موٹر سائیکل پر سوار افراد نے بھاری ہتھیاروں سے پولیس اسکواڈ پر فائرنگ کی۔

دہشت گردوں نے کلاشنکوف اور ایس ایم جی استعمال کی، رپورٹ کے مطابق حملے کے بعد عسکریت پسندعلاقہ غیر ملا مرکز فرار ہوگئے، عسکریت پسندوں کی فائرنگ سے ڈی ایس پی عابد الرحمان کی ٹانگ پر گولی لگی۔

واقع کا مقدمہ تھانہ بڈھ بیر میں نامعلوم افراد کے خلاف دہشت گردی کی دفعات کے تحت درج کر لیا گیا۔

Print Friendly, PDF & Email

Comments

comments

یہ بھی پڑھیں