The news is by your side.

Advertisement

پشاور: پولیس موبائل پر بم حملہ ،ایک اہلکار زخمی ،15مشتبہ افراد گرفتار

پشاور: صبح سویرے پولیس موبائل پر بم حملے میں ایک اہلکار زخمی ہوگیاجبکہ پولیس نے سرچ آپریشن میں دو بھتہ خورسمیت پندرہ مشتبہ افراد کو گرفتار کرلیا۔

پشاور میں دہشت گردی اور بم دھماکوں کا سلسلہ رک نہ سکا، ماہ صیام میں بھی پولیس اور معصوم افراد دہشت گردوں کے نشانے پر ہیں ،دہشت گردوں نے صبح سویرے سفید ڈھیری کے مقام پرسڑک کنارے نصب بم سے پولیس وین کو نشانہ بنایا، دھماکے میں ایک پولیس اہلکار زخمی ہوا جبکہ پولیس موبائل کو جزوی نقصان پہنچا۔

دھماکے کے بعد علاقے میں خوف وہراس پھیل گیا،اس سے پہلے رات گئے پشاور کے علاقے گلبہار میں پولیس نے خفیہ اطلاع پر سرچ آپریشن کرکے دو بھتہ خوروں سمیت پندرہ مشتبہ افراد کو حراست لے لیا، جن سے اسلحہ اور بھاری مقدار میں منشیات برآمد ہوئی،گرفتارملزمان میں چار غیرملکی بھی شامل ہیں، پولیس کے مطابق ملزمان کالعدم تنظیم کے نام پر تاجروں سے بھتہ وصول کیا کرتے تھے۔

Print Friendly, PDF & Email

Comments

comments

یہ بھی پڑھیں