پشاور کی امامیہ مسجد میں دھماکے کی فوٹیج اے آروائی نیوز نے حاصل کرلی -
The news is by your side.

Advertisement

پشاور کی امامیہ مسجد میں دھماکے کی فوٹیج اے آروائی نیوز نے حاصل کرلی

پشاور:  امامیہ مسجد میں دھماکے کی فوٹیج اے آروائی نیوز نے حاصل کرلی ہے، فوٹیج کے مطابق صحن سے داخل ہوتے تین حملہ آوروں نے نمازیوں پر فائرنگ کے بعد دستی بم بھی پھینکے جبکہ ایک حملہ آور نے خودکودھماکےسےاڑالیا۔

پشاور میں حیات آباد کی امامیہ مسجد پر حملے کی فوٹیج اے آروائی نیوز نے حاصل کرلی ہے، دہشتگردوں نے نمازِ جمعہ کے وقت پہلےمسجد کے صحن میں فائرنگ کی، جس کی آواز سن کرہال میں موجود نمازی خوفزدہ ہوکر لیٹ گئے اور کچھ باہر دیکھنے لگے، دہشتگرد پوری تیاری سے آئے تھے۔

فوٹیج  میں دیکھا جاسکتا ہے کہ ایک حملہ آور ہال کے آخری دروازے سے داخل ہوکر نمازیوں پر فائرنگ کرتا ہوا باہر صحن کی طرف نکل جاتا ہے، ہال کے دوسرے دروازے سے دوسرا حملہ آور نمازیوں پر فائر کھول دیتا ہے، فائرنگ سے زخمی نمازیوں کی چیخ و پکار سے مسجد کا ہال گونج اٹھا، ایک اور حملہ آور ہال کے اندر آکر خود کو دھماکے سے اڑالیتا ہے۔

اس دوران دھماکا بھی ہوا، فائرنگ اور دھماکوں سے مسجد گونجتی رہی، دھماکے کے بعد مسجد میں آگ کے شعلے بلند ہوتے ہیں، ہرطرف دھواں بھرجاتا ہے، موبائل فون سے بنائی گئی ویڈیو میں صحن سے بھی ایک زوردار دھماکے کی آواز بھی سنی جا سکتی ہے۔

دوسری جانب پشاور کی اسی مسجد کے عقب سے گرفتار کئے گئے مشتبہ شخص کی گرفتاری کی فوٹیج اے آر وائی نیوز نے حاصل کرلی ہے، فوٹیج میں سیکیورٹی اہلکار مشتبہ شخص کو گرفتار کرکے لے جارہے ہیں، جس کو مزید تفتیش کے لئے نامعلوم مقام پر منتقل کردیا گیا۔

Comments

comments

یہ بھی پڑھیں