The news is by your side.

Advertisement

پمز اسپتال شعبہ امراض قلب کے سربراہ ڈاکٹرشاہد نواز جان کی بازی ہار گئے

اسلام آباد : پمز کے شعبہ امراض قلب کے سربراہ ڈاکٹرشاہد نواز دم توڑ گئے، وزیراعظم نوازشریف سمیت دیگرمذہبی وسیاسی جماعتوں کے رہنماو نے ان کی موت پراظہار افسوس کیا ہے۔

پمزاسپتال شعبہ امراض قلب کے سربراہ ڈاکٹرشاہد نواز کو چودہ فروری کی سہ پہر ٹارگٹ کلرز نے اس وقت نشانہ بنایا تھا جب وہ ڈیوٹی ختم کرکے گھرواپس جارہے تھے۔۔حملہ آور انہیں ٹارگٹ کرکے فرار ہوگئے تھے۔

 ڈاکٹرشاہد نواز کوزخمی حالت میں ایمرجنسی وارڈ میں منتقل کردیا گیا تھا ۔ جہاں انہیں انتہائی نگہداشت کے وارڈ میں رکھا گیا اور بعد میں ان کے سر میں لگی گولی نکالنے کے پیچیدہ آپریشن کیلئے سی ایم ایچ منتقل کردیا تھا ۔

 ایک ہفتے تک زندگی وموت کی کشمکش میں مبتلا رہنے کے بعد ڈاکٹر شاہد نواز خالق حقیقی سے جاملے ، پوسٹمارٹم کی ابتدائی رپورٹ کے مطابق ان کی موت دماغی چوٹ کے باعث ہوئی ہے۔

ڈاکٹرشاہد نواز کی موت پر صدر ممنون حسین،وزیراعظم نوازشریف ،تحریک انصاف کے چئیرمین عمران خان اور ایم کیوایم قائد الطاف حسین سمیت دیگررہنماو انتہائی دکھ اور غم کا اظہار کرتے ہوئے ان کے اہلخانہ سے دلی تعزیت کی ہے۔

Print Friendly, PDF & Email

Comments

comments

یہ بھی پڑھیں