site
stats
بلوچستان

پنجاب، بلوچستان میں 3روزہ انسدادِ پولیو مہم کا آغاز

پنجاب/ بلوچستان: قوم کے مستقبل کو معذوری کے داغ سے بچانے کے لئے پنجاب اور بلوچستان میں تین روزہ انسدادِ پولیو مہم کا آغاز آج سے ہوگیا ہے۔

ملک کے مستقبل کو معذوری سے بچانے کے لئے تین روزہ انسداد پولیو مہم آج سے چلائی جارہی ہے، محکمۂ صحت پنجاب کے مطابق مہم کے دوران ایک کروڑ اسی لاکھ بچوں کو مہلک بیماری سے بچاؤ کے قطرے پلانے کا ہدف مقرر کیا گیا ہے، جس کے لئے چالیس ہزار ٹیمیں تشکیل دی گئی ہیں۔

بلوچستان میں بھی پانچ سال سے کم عمر بچوں کو پولیو سے بچاؤ کے قطرے پلائے جارہے ہیں۔

مہم کے لئے چھ ہزار پانچ سو اٹھاون ٹیمیں بنائی گئی ہیں، جو صوبے کے چھبیس اضلاع میں اٹھارہ لاکھ بچوں کو ویکیسن پلائیں گی۔

کوئٹہ، پشین اور ژوب میں سیکیورٹی وجوہات کے باعث مہم ملتوی کردی گئی ہے، کوہاٹ میں شدید بارشوں کے باعث انسدادِ پولیو مہم ملتوی کردی گئی ہے، مہم کے لئےسیکیورٹی کے سخت انتظامات کئے گئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top