اتوار, فروری 9, 2025
اشتہار

پنجاب اسمبلی میں سیلاب کی تباہ کاریوں پربریفنگ

اشتہار

حیرت انگیز

لاہور: پنجاب اسمبلی میں سیلاب کی تباہ کاریوں سے متعلق بریفنگ دی گئی ،جس میں بتایا گیا کہ پنجاب میں ہونے والی تباہی کے نتیجے میں سوارب روپے کا نقصان ہوا ہے۔

صوبائی اسمبلی کے رکن کرنل ریٹائرڈ شجاع خانزادہ نے بتایا کہ پنجاب میں سیلاب کے باعث ایک لاکھ سینتیس ہزارگھر، تئیس لاکھ ایکڑ پرکھڑی فصلیں اوراٹھائیس سودیہات تباہ ہوئے۔

انھوں نے بتایا کہ سیلاب کے باعث دس ارب روپے کی سرکاری املاک کو نقصان پہنچا ہے جبکہ حالیہ بارشوں اورسیلاب کے دوران دو سوچورانوے افراد ہلاک ہوئے ۔

ان کا مزید کہنا تھا کہ پنجاب سے تعلق رکھنے والے اراکینِ قومی وصوبائی اسمبلی اپنی ایک ماہ کی تنخواہ سیلاب متاثرین کودیں گے۔

پنجاب اسمبلی کے رکن زعیم قادری نے بتایا کہ پنجاب میں اب تک سیلاب کے باعث سوارب روپے کا نقصان ہوا ہے۔

بلال یاسین کا کہنا تھا کہ سیلاب کے باعث جو بند اورپل توڑے گئے ہیں، ان کی تعمیرجلد مکمل کردی جائے گی۔

اہم ترین

مزید خبریں