The news is by your side.

Advertisement

پنجاب اسمبلی کا اجلاس کارروائی سے قبل ہی ملتوی

لاہور : پنجاب اسمبلی کا اجلاس حکومتی ارکان کی عدم توجہ کے باعث کارروائی مکمل ہونے سے پہلے ہی ختم ہو گیا، دواہم سرکاری بلز اور سانحہ شادباغ میں جاں بحق ہونے والے بچوں کی یاد میں تعزیتی قرارداد بھی پیش نہ ہوسکی۔

پنجاب اسمبلی کا اجلاس اسپیکر رانا محمد اقبال کی صدارت میں شروع ہوا ، وقفہ سوالات کے بعد حکومتی ارکان کی دلچسپی کے باعث پنجاب اسمبلی اپنا کورم برقرار نہ رکھ سکی اوراسپیکر نے اجلاس بیس منٹ کے لیے ملتوی کرکے ارکان کے انتظار کے لیے گھنٹیاں بجانے کا حکم دیا۔

تاہم گھنٹیاں بجتے بجتے خاموش ہوگئیں ارکان ایوان میں واپس نہ آئے جس کے بعد کورم پورا نہ ہونے کے باعث اجلاس کل صبح تک لئے ملتوی کردیاگیا۔

حکومتی ارکان کی عدم دلچسپی کے باعث جہاں پنجاب کے عوام کے کروڑو ں روپے ضائع ہوگئے وہیں دو ضروری سرکاری بل اور سانحہ شادباغ میں جاں بحق ہونےو الے بچوں کے لواحقین سے اظہار تعزیت کی قرارداد بھی ایوان میں پیش نہ ہوسکی۔

ن لیگ کے ارکان نے اعتراف کیا ہے کہ حکومتی ارکان کی عدم توجہ اسمبلی کی اہمیت کو کم کررہی ہے، شہبازشریف اس ایوان سے ووٹ لیکر وزیراعلی پنجاب بنے ہیں انہیں اسمبلی کی جانب توجہ دینی چاہیے تاکہ پنجاب کے عوام کی حالت زاربہت ہوسکے۔

Comments

comments

یہ بھی پڑھیں