پنجاب بارکونسل کے انتخابات، پولنگ جاری -
The news is by your side.

Advertisement

پنجاب بارکونسل کے انتخابات، پولنگ جاری

لاہور: پنجاب بار کونسل کے انتخابات کے حوالے سےپولنگ کا عمل جاری ہے، صوبے بھر سے پچھتر نشستوں کے لیے تین سو ساٹھ امیدوار انتخابات میں حصہ لے رہے ہیں۔

پنجاب بار کونسل کے انتخابات صوبے بھر میں منعقد کیے جارہے ہیں جس کے لیے دو سو اٹھائیس پولنگ اسٹیشن قائم کیے گئے ہیں جس میں اکیاسی ہزار وکلاء اپنا حق رائے دہی استعمال کررہے ہیں ۔

ایڈووکیٹ جنرل پنجاب انتخابات کے لیے ریٹرننگ آفیسر جبکہ سیشن جج پریزائیڈنگ افسران کے فرائض سر انجام دے رہے ہیں،، پنجاب بار کے انتخابات کے موقع پر عدالتی تعطیل کی گئی ہے جس کی وجہ سے مقدمات کی سماعت نہیں ہوسکی ۔

لاہور کی سولہ نشستوں کے لیے انہتر امیدوار میدان میں ہیں جس کے لیےہائیکورٹ میں پولنگ کا عمل جاری ہے جہاں سکیورٹی کے سخت انتظامات کیے گٗئے ہیں۔

انتخابات کے لیے وکلاء کو ہی عدالت میں داخلے کی اجازت ہے جبکہ کسی بھی غیر متعلقہ شخص کو داخلے کی اجازت نہیں،، پنجاب بار کے انتخابات کے لیے پولنگ کا عمل شام پانج بجے تک جاری رہے گا جس کے بعد ایڈووکیٹ جنرل انتیس نومبر کو حتمی نتائج کا اعلان کریں گے۔

Comments

comments

یہ بھی پڑھیں