پنجاب بھرمیں کوئی حفاظتی بند توڑنے کا فیصلہ نہیں کیا، فلڈریلیف کمیٹی -
The news is by your side.

Advertisement

پنجاب بھرمیں کوئی حفاظتی بند توڑنے کا فیصلہ نہیں کیا، فلڈریلیف کمیٹی

پنجاب : وزیرِ اعلیٰ پنجاب کی قائم کی گئی فلڈ ریلیف کابینہ کمیٹی کے مطابق جھنگ سمیت پنجاب بھرمیں کوئی بھی حفاظتی بند توڑنے کا فیصلہ نہیں کیا گیا ہے۔

فلڈ ریلیف کابینہ کمیٹی نے سیلابی صورتحال سے متعلق میڈیا بریفنگ میں بتایا کہ تریموں ہیڈ سے آج ساڑھے چھ لاکھ کیوسک کا سیلابی ریلہ گزرے گا تاہم جھنگ سمیت پنجاب کے کسی بھی ضلع میں سیلاب سے بچاؤ کےلیے بند توڑنے کا فیصلہ نہیں کیا گیا۔

کمیٹی کے ارکان نے بتایا کہ چودہ ہزار کے قریب دیہات سیلاب سے متاثراور چار لاکھ مویشی جبکہ ایک سوچھپن افراد کی اموات ریکارڈ کی گئی ہیں۔

ارکان کا کہنا تھا کہ اکیس اضلاع میں ایمرجنسی نافذ کردی گئی ہے جبکہ ایک ہزار آٹھ ملین روپے امدادی سرگرمیوں کے لیے جاری کئے گئے ہیں اور امدادی سرگرمیوں کےلیے مسلح افواج سے بارہ ہیلی کاپٹر بھی لیے گئے ہیں۔

کمیٹی کے مطابق سیلاب سے ہلاک ہونے والوں کے لواحقین کو سولہ سولہ لاکھ  روپے اور زخمی ہونے والوں کو ایک لاکھ روپے کی امدادی رقوم دی جارہی ہیں۔

کابینہ کمیٹی میں کرنل شجاع خانزادہ ، بلال یاسین اور وزیر اعلی پنجاب کے ترجمان زعیم قادری شامل ہیں۔

Comments

comments

یہ بھی پڑھیں