site
stats
Uncategorized

پنجاب :مختلف شہروں میں احتجاج، پرتشدد رنگ اختیار کرگیا

لاہور: وفاقی حکومت کیجانب سے یوم شہدا میں شرکت سے روکنے کیخلاف مختلف شہروں میں احتجاج پرتشدد رنگ اختیار کر گیا، عوامی تحریک کے کارکنان نے الزام لگایا ہے کہ حکومت انہیں ہراساں کرنےکےلئے تمام حربے استعمال کر رہی ہے۔

پنجاب کے مختلف شہروں میں پولیس نےعوامی تحریک کے کارکنا ن کو روکنے کی کوشش کی تو مظاہرین مشتعل ہوگئے، مظاہرین نے الزام لگایا کہ قانون نافذ کرنے والے اداروں نے مختلف شہروں میں یوم شہدا میں شرکت سے باز رکھنے کیلئے پولیس، ڈنڈے، شیلنگ اور لاٹھی چارج کا بھرپور استعمال کر رہی ہے۔

پنجاب پولیس اورکارکنان میں جھڑپوں کے دوران کئی کارکن زخمی ہوگئے، فیصل آباد، گجرات سمیت پنجاب بھر میں پولیس نے عوامی تحریک کے کارکنان پر ہلہ بول دیا، احتجاج کے دوران معتدد موٹر سائیکلیں نذر آتش کر دی گئی۔

فیصل آباد میں متعددموٹرسائیکلوں کو پولیس نےقبضےمیں لے لیا،  متعددشہروں میں پاکستان عوامی تحریک کےکارکنوں کویوم شہداء میں شرکت سےروکنے کے لئے انتظامیہ نے کنٹینر لگا کر موٹروے بند کر دی، راولپنڈی، اسلام آباد سمیت پورے پنجاب میں پیٹرول کی قلت کے باعث گاڑیاں بند ہوگئیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top